[真男人系列] 整門鎖

真係黑起有條路，啲野壞起上嚟，真係會傳傳染㗎喎……之前先換完水喉，又整左個廁所，而家竟然到個門鎖，你話係咪吹脹? 咁好，等我又試下搞啦。

今次門鎖嘅問題，就係個門鎖個頭果條彈弓彈咗出嚟，睇落去好似唔係好難整。好，攞個螺絲批拆咗個門鎖出嚟，睇落好似好簡單可以就拎返粒”的”入去，但我試咗成 3 個字，發覺原來係唔得㗎喎……嘩，唔係因為咁就要成個鎖換咗佢掛，閒閒地都要成千蚊喎……咁，又係走去五金鋪長知識嘅時間喇。攞住嗰個鎖，去問有冇得配，問咗兩間都話冇唔信邪就係問多間啦。呀….竟然話有喎，仲係同一個牌子！ 二話不說即刻買啦，六十幾蚊之嘛，衰咗咪最多冇多六十幾蚊，對比成千蚊買過個鎖，值博率好高喎！

攞咗返去試裝，發覺又真係 work 喎，好快就整好喇。但係，仲有個小問題，就係新嗰個鎖開門嘅時候始終都有啲 “kick” 下 “kick” 下，咁要出動萬用嘅 WD40 喇。噴左兩下，即刻順咗好多。嗱，真係信不信由你，走去五金舖，好多家居上嘅維修問題都可以解決到。