黃埔德國咸豬手

之前我幫個friend做兄弟時，襯中間的空檔時間去左黃埔一間德國餐廳嗰度飲啤酒。嗰陣時已經覺得嗰度應該有啲好正嘅德國嘢食 。但係果晚要飲，冇理由叫個德國豬手食㗎?隔咗好耐，終於有機會喺lunch嘅時候去試下。

我哋嗰日一行六個人，食 lunch 嘅時候過去 ，都唔係好多人排隊， 等咗 5 分鐘左右就入得。睇下個餐牌，係有好多嘢食喎，有德國腸，西式嘅飯同意粉，仲有德國咸豬手。本來，我哋都係諗住叫幾個野食share嚟食，但係睇一睇個餐牌，夜晚嘅時候一個豬手要成二百幾蚊，宜家 lunch 食只係要七十幾……所以我地二話不說即刻叫左六個豬手……

雖然叫咗六個，但係又唔使等好耐就出曬喇。比喺其他餐廳嘅豬手，係ok嘅。佢個 size 真係好似出面嘅一樣咁大個。佢個皮雖然唔係好脆，但啲肉真係好鮮嫩，火喉啱啱好，唔會話七十幾蚊就畀啲行貨你，真係超級抵食。最後，我哋憤戰到底都食唔曬成個豬手! 係，係我地貪心，其實兩個人share一個都得，下次識得嗌啦!

Beerliner German Bar & Restaurant
地址: 紅磡船景街7號黃埔花園第四期棕櫚苑地下G10號舖
電話: 22546178