華碩 AC58U Router

之前因為屋企換左 1000 Mb 寬頻，舊果個 router 唔 support 到，所以走去買左隻新 router。本來，我係諗住買 AC68U，不過要成千蚊，而且都出左成年，所以就聽個 sales 講買左隻平啲又新出啲既 AC58U 了。

買華碩，都係因為佢台灣做有信心啲。有 frd 子提議我試淘寶買AC68U，同香港買既 AC58U 差唔多，約5 -6百蚊。但係，淘寶……你懂的。我最後去左旺電買算。$580，有保養，又唔駛自己flash frameware，算係咁啦。

好，開箱，冇咩特別，同平時 router 一樣咁 set。 不過有個特別位，佢本說明書教啲天線要 45 度咁放喎，咁會接收好啲。我試左，又好似真係好好多喎 (不過唔知係咪新 router 勁左既關係)。 anyway，依家上 wifi，終於有 2.4G (慢啲) 同 5G (快啲) 揀。用電話上就冇得輸，但我一用部成 10 年既舊 notebook 上 2.4G，就唔個知點解 2分鐘都冇就斷一斷線，要再 reconnect 先上返一陣，又斷過……上網睇，又搵唔到相關既解決方法喎。最後，我估可能同部舊電腦張 network card 唔 support 到新 router 既頻率。所以我入去 router 個 admin page set 死左只用 b 制式同 fix 死一個頻率，最後過左成個鐘都冇斷線，算叫搞掂了。ai… 咁都唔係路，上左 1000Mb 都享受唔到個速度?! 睇黎，今次有籍口換埋部 notebook 了。