七公看世界
  • 0 Cart
  • 主頁
  • IT技術
  • 科技
  • 電玩/玩具
  • 影音
  • 飲食
  • 旅遊
  • 親子
  • 家居
  • 偽文青
  • 時事
  • 笑話
  • 有感而發
  • 關於我們
旅遊 台北, 台灣, 咖啡, 影視, 慢活, 文青, 旅遊, 松山文創園區, 河岸留言, 湛盧, 自由行, 蔦屋書店, 藝術, 行程建議, 誠品, 遊記, 遊記系列, 音樂

【慢活台北】2019文青之旅 – 松山文創園區誠品/湛盧咖啡/蔦屋書店/ 河岸留言

Why Not Go 17/01/2019

扮文青黎講,就要去下松山文創園區吸收下D靈氣。園區前身係「台灣省菸酒公賣局松山菸廠」,喺1998年停止生產後,喺2001年被列為市定古蹟,幾經整修後先轉型到目前嘅松山文化創意園區。

園區入面有好多當地設計師產品、市集、唔同主題嘅展覽,仲有誠品松菸店,慢慢行嘅話,不知不覺就行左幾個鐘,唔駛趕,享受吓慢活節奏。

想休息可以喺戶外公園行下坐下,發下呆,過番一陣退休生活。

今次不定期展覽係我地都好熟悉嘅Cherry小丸子,仲有小玉同花輪同學添。



誠品松菸店

除左喺香港誠品都見到嘅野之外,佢仲有art house,戲院,performance house,誠品行旅(酒店),書店嗰度仲有好多櫈,俾你坐喺度打書釘,個文化感係濃郁D。

閱樂書店係當年菸廠員工嘅育嬰室,而家就變左書店+cafe,可以飲杯茶食個dessert。

行離左誠品,向市政府捷運站行,就見到好想走九遍嘅忠孝東路,沿路係好多風格小店、日式pancake店,咖啡店等等,我最後揀左一間叫湛盧咖啡嘅坐低,佢喺台北都有好幾間分店,係當地有名氣嘅精品咖啡店。

店員非常清楚介紹每一款咖啡豆嘅口味,仲俾我聞左好多款先再揀,menu入面都有詳細介紹,最後揀左「台北曼波」,回甘同煙燻味都似台式老咖啡。

order 完之後,沖調師會拎埋架撐去你面前沖完就可以即刻飲喇。

Enjoy!



嘆完咖啡,又再閒逛到市政府站,W酒店樓下黎自日本嘅蔦屋書店,日本迷應該唔陌生,佢曾經被評為世界最美書店之一。

同誠品一樣都係走氣質格調路線,但產品brands就以日本牌子為主。

同埋光線擺設令人覺得溫暖D。

等我扮完台灣文青,而家又扮下日本文青先。

HEDERA係佢地自家文具品牌,簡約、有質感、定價唔高,值得入手!

除左設計、展覽、咖啡與書,所謂文青之旅點可以冇音樂呢?

這些年來喺YouTube睇過唔少歌手喺河岸留言開mini concert嘅片,何韻詩、張懸、徐佳瑩等等,而且好多非主流獨立樂隊同新進歌手都歡迎喺度開唱,所以我都希望有一日可以睇到現場。



而呢一日到左喇,台北有兩間河岸留言,差唔多每晚都有表演,今次去左公館站本店。

呢晚有兩個單位演唱,認真地說,睇show之前,我係唔認識佢地,但係聽完之後我覺得係值得去睇。

第一個係黃宇齊,佢係蕭敬騰同林宥嘉做導師嗰個叫「聲林之王」嘅歌唱比賽節目入面嘅其中一個選手(好長嘅介紹⋯⋯),女仔唱ROCK比較少見,但佢嘅音色係幾適合,仲因為佢認識左日本嘅one ok rock (恕我孤陋寡聞),又係正野黎嗰喎~

河岸留言18週年紀念啤

第二位叫Sarya,我quote番官方介紹先:

//在美國出生,台北長大的詩人歌手。本來在愛丁堡發展她的詩,也開始在地下通道裡用ukelele自彈自唱。sarya的音樂很空靈,因為受到北歐的影響,也是因為她想留下在山洞自然回音的感覺。//

我相信大家已經好明白佢嘅音樂風格。

其實係好特別,佢有一首放左上spotify ,大家訓唔著可以聽下,

因為佢係叫「失眠之歌」,送俾大家,晚安!

相關文章

【台北】2019旅遊攻略 無老鍋+象山睇101夜景+雙連文花枝焿+刀削牛肉麵+最HIP酒吧

【台北】2019旅遊攻略 無老鍋+象山睇101夜景+雙連文花枝焿+刀削牛肉麵+最HIP酒吧

Why Not Go 17/01/2019

第三次黎台北,對上一次已經係5年有多, 所以特別掛住佢地嘅「火哥」,前兩日已經online book左鼎王旗下台北嘅無老鍋,一落機即刻有得食!

繼續閱讀

【峴港】世界六大海灘-美溪海灘 + 市區遊 Con/Han Market + Big C + 粉紅教堂

【峴港】世界六大海灘-美溪海灘 + 市區遊 Con/Han Market + Big C + 粉紅教堂

Why Not Go 27/12/2018

呢D明信片景色,係黎自被評為世界六大最美麗的海灘之一,位於峴港嘅美溪海灘。距離市區只係10分鐘車程…

繼續閱讀

【峴港】嘆越南唯一一間米芝蓮三星法國菜 – La Masion 1888@ 峴港洲際酒店

【峴港】嘆越南唯一一間米芝蓮三星法國菜 – La Masion [email protected] 峴港洲際酒店

Why Not Go 27/12/2018

聽朋友講峴港呢間洲際酒店係屬於”唔買都要黎睇下”嘅level。

繼續閱讀

最新文章

  • 夢醒!夢醒!
  • 【台北】2019旅遊攻略 無老鍋+象山睇101夜景+雙連文花枝焿+刀削牛肉麵+最HIP酒吧【台北】2019旅遊攻略 無老鍋+象山睇101夜景+雙連文花枝焿+刀削牛肉麵+最HIP酒吧
  • 【峴港】世界六大海灘-美溪海灘 + 市區遊 Con/Han Market + Big C + 粉紅教堂【峴港】世界六大海灘-美溪海灘 + 市區遊 Con/Han Market + Big C + 粉紅教堂
  • 【峴港】嘆越南唯一一間米芝蓮三星法國菜 – La Masion 1888@ 峴港洲際酒店【峴港】嘆越南唯一一間米芝蓮三星法國菜 – La Masion [email protected] 峴港洲際酒店
  • 【峴港-會安】古城一日遊 交通+飲食+手信【峴港-會安】古城一日遊 交通+飲食+手信
© uncle7world.com
Powered by secmenu

科技

IT技術
科技
電玩
影音

休閒

飲食
有感而發
旅遊
笑話

最新文章

  • 夢醒!
  • 【台北】2019旅遊攻略 無老鍋+象山睇101夜景+雙連文花枝焿+刀削牛肉麵+最HIP酒吧
  • 【慢活台北】2019文青之旅 – 松山文創園區誠品/湛盧咖啡/蔦屋書店/ 河岸留言
  • 【峴港】世界六大海灘-美溪海灘 + 市區遊 Con/Han Market + Big C + 粉紅教堂
  • 【峴港】嘆越南唯一一間米芝蓮三星法國菜 – La Masion [email protected] 峴港洲際酒店

關注我們

Added to Cart

Keep Shopping