【峴港-會安】古城一日遊 交通+飲食+手信
會安最令人印象深刻嘅景像， 應該係夜晚成個古城都掛哂呢D古色古香嘅燈籠，透出唔同顏色嘅光。好啱企喺前面影 (扮)IG女/男神相，用黎呃LIKE啦!
會安距離市區大概45分鐘車程，喺峴港嗰幾日，我地都係經酒店book車，點對點去，因為我地用過Grab同Uber quote價後，發現酒店車仲平D，咁即刻gogogo啦~~~
我地4點左右到，因為想睇哂日景>日落>夜景。
入去古城係唔駛錢，而且係千祈唔好俾錢! 聽過唔少人講喺門口有人同佢地收錢，係騙徒黎ga! 但係入面各式各樣嘅會館都會有人同你收保護費。 呀…..唔係!係入場費先啱! 你可以揀番自己家鄉嘅會館去參觀下。
越南咖啡出名相信好多人都知，喺古城入面有好多咖啡店，基本上佢地對sell遊客嘅熟悉程度，就好似你每日番到屋企一開門除鞋、 pat對襪喺一二邊、再撻上床嘅流程一樣咁流暢 ; 一黎俾你聞一兩隻皇牌，再俾番兩隻次一二級你聞下做比較，仲要sell係 “meo屎咖啡”，好似我呢D(扮)有品味嘅，總會買番1,2包睇門口，請人番屋企飲咖啡都唔會失禮呀嘛!
其實有時去旅行喺當地食野，中得太多伏後，而家我大多唔會跟書/名人推介，由其是呢D都幾大嘅景點，反而會睇當時見到佢地食客嘅反應，就算未必有人介紹過，都可能搵到好野。
話說嗰日就喺會安見到個路邊攤，聽到有客食到jep jep聲，同我個肚發出嘅ku ku聲合奏， 於是我即刻坐低同老細霸氣落單 “same same”!
10幾串炭爐即燒香料汁豬肉 + 青瓜 + 辣醬 + 生菜，再做越南米紙包埋一齊，再點個秘製醬汁，正!
所以話，旅行永遠最好嘅野都係unplanned, therefore, unexpected.
食完野，行行下太陽就開始落山…
又再行行下，太陽落左山…
喺河邊可以選擇坐下船仔遊城或者放下”許願燈”落河，你一行到去河邊，就有好多人問你ga lar。
最後我地搵左間餐廳坐低食野，喺會安差唔多間間都有呢味 “白玫瑰 “， 相傳係塊白色皮可以捲到成朵玫瑰咁。大家可以睇下下面張相….um…網名嘅野， 唔好咁認真。 其實味道正常，係好似D腸粉皮包住D肉，再點個魚露之類，不過我唔會歸類為必點菜。
同場加映: 點樣可以上到WIFI?
繼續峴港之旅:
